مصنعك منظّم من أول الأوردر لحد الشحن

الأنظمة (إدارة المصنع، نظام مشروعك، ومواقع البيع) بتنظم شغلك وحساباتك، وبتبدأ بطلب بسيط وبنرد عليك بالسعر. الأدوات الجاهزة (نبض المصنع وكارت الصنف وإدارة المصانع الخارجية) ملفات بتشتريها وتشتغل عليها فورًا، وأسعارها مكتوبة. والتصميم والتجهيز (باترون وتدريج وتعشيق وليزر وتطريز وصور المنتجات) بتبدأ بصورة الشغل.

الأدوات الجاهزة أسعارها مكتوبة قدامك. وفي الأنظمة والتصميم والتجهيز بنرد عليك بالسعر بعد ما نراجع الصورة والتفاصيل اللي بعتّها. الشغل مبيبدأش غير بعد موافقتك عليه.

في التصميم والتجهيز: بعد ما نخلص بنبعتلك صورة الشغل وتعاينها، وبعدها تحوّل المبلغ المتفق عليه، وبعد التحويل نبعتلك الملف النهائي. وفي الأدوات الجاهزة: بنبعتلك بيانات التحويل على واتساب، وبعد ما التحويل يتأكد نبعتلك الملف.

في الباترون هتستلم ملف جربر جاهز للطباعة. في التدريج هتستلم الباترون متدرج لكل المقاسات. في التعشيق هتستلم ملف التعشيق جاهز للقص ومعاه استهلاك القماش. في قص الليزر هتستلم ملف القص. في التطريز هتستلم ملف التطريز مع صورة معاينة. وفي صور المنتجات هتستلم الصور جاهزة للنشر. وفي الأدوات الجاهزة هتستلم الملف على واتساب. وفي الأنظمة بنحدد معاك التفاصيل بعد ما نتفق على السعر.

مدة التسليم بتختلف حسب الخدمة وتفاصيل الشغل. بنكتب لك المدة جنب السعر قبل ما نبدأ. ولو محتاجه مستعجل، علّم على «مستعجل» في النموذج.

صورة واضحة للموديل من الأمام ومن الخلف، والأعمار أو المقاسات المطلوبة. ولو في خامة معينة أو كمية تقريبية اكتبها في الملاحظات. الصور بتتبعت على واتساب بعد ما تبعت الطلب.

اضغط «اطلب الأداة» جنب الأداة اللي عايزها واكتب بياناتك. هنبعتلك على واتساب بيانات التحويل، وأول ما التحويل يتأكد نبعتلك الملف.

لفترة محدودة بنضيف كارت الصنف هدية مع نبض المصنع. لما العرض يكون شغال هتلاقيه مكتوب على كارت المنتج مع تاريخ نهايته.

أيوه. الباقة الكاملة فيها نبض المصنع وإدارة المصانع الخارجية وكارت الصنف هدية بـ ... جنيه، بدل ... جنيه لو اشتريتهم كل واحد لوحده.

أيوه. كل خدمة بتتطلب لوحدها: لو معاك باترون جاهز نعمل لك التدريج أو التعشيق عليه، ولو محتاج الباترون نفسه اطلبه وبعدها تضيف الباقي.

ملف جاهز بتفتحه من أي جهاز، وبتكتب فيه بيانات الموديل والخامات والإكسسوارات وأسعارها، وهو يحسبلك الفرشات والاستهلاك والتكلفة الكاملة وسعر البيع المقترح. وتقدر تطبعه على A4 أو تحفظه PDF.

على الجهاز اللي بتفتح منه الملف، جوه المتصفح. فاستخدم زر النسخة الاحتياطية بعد ما تسجل شغلك، وتقدر ترجّعها في أي وقت أو على جهاز تاني بزر استرجاع نسخة.

بتبعتلنا صورة المنتج، وبنجهز لك صور احترافية بالذكاء الاصطناعي تنفع للموقع والإعلانات والكتالوج، وبتشوف المعاينة قبل الدفع. السعر 30 جنيه للموديل الواحد. وبنراجع إن المنتج في الصورة يطلع زي شغلك بالظبط.

من قسم «برامج بترخيص رسمي» اضغط «قدّم طلب شراء» واكتب بياناتك. بنراجع طلبك ونتواصل معاك على واتساب بالسعر وطريقة التسليم. بنتعامل بالتراخيص الرسمية بس، ومفيش دفع قبل ما تتفق معانا.

أيوه، بنربطه بنظام المصنع بتاعنا أو بنظام عندك. وبنحدد ده في الطلب الأول.